Adelina lanson remixin me Dj Mr.Pink

Remixi i shumëpritur i këngëtares kosovare Adelina Ismajli dhe DJ-it zvicëran Mr.Pink, “Tribald”, tashmë është lansuar.Kjo
është kënga e parë e remixuar në Zvicër dhe më këtë këngë Adelina
tenton që të depërtojë edhe në tregun medial të Zvicrës, ku thotë se ka
mbetur vetëm koordinimi i kohës me mediat zvicerane, ndërsa shumë shpejt
do të shfaqet edhe intervista e dhënë për Star TV në Zvicër.
Kënga e Adelinës tash e disa ditë është e postuar edhe në faqen
YouTube. Ndërkohë Adelina e cila është duke jetuar në relacionin
Francë-Zvicër ka bërë të ditur se është në përgatitje të një kënge të re
në Paris që do të jetë për tregun ndërkombëtar.
Por këto nuk janë të tërat, ajo gjithashtu është në formalitetet e
fundit të albumit “Best of Adelina”, ndërsa po përgatit edhe një album
të ri. Të gjitha këto angazhime i duken pak, sa që Ismajli nuk i lë
anash as koncertet e saj të përjavshme, ndërsa ka pohuar se që nga muajt
e ardhshëm do të performojë edhe nëpër diskotekat e huaja./Telegrafi/