Kosovarja Melinda, pjesë e American Idol

Kohëve të fundit nuk kanë të ndalur talentet shqiptarë të cilët
janë pjesë e spektakleve botërorë. Melinda Ademi (16) me origjinë nga
Kosova, do të garojë në një nga spektaklet më prestigjioze dhe më të
shikuara në Amerikë, i quajtur ‘Amerikan Idol’.Bashkë me familjen e saj, ajo iku gjatë kohës së luftës prej represionit serb.
“Viti i tmerrshëm i një gjenocidi të paparë, kur rrezikohej deri në
shfarosje populli shqiptarë”, kanë përkujtuar në edicionin e nëntë të
këtij spektakli prindërit e Melindës skenat e vitit 1999. Rrëfimi i
tyre, shoqërohej me sekuenca televizive, përmes të cilave, miliona
shikues amerikan kanë parë pamjet tragjike, të shqiptarëve që
largoheshin me dhunë dhe forcën e ushtrisë e policisë serbe.
Disa vjet më vonë, ajo është bërë pjesë e spektaklit më të madh për talent në botë, ‘American Idol’.
Vajza e çiftit Ademi, tani ka fituar shansin e parë, që një ditë
"mund të hidhet nga ‘trapolina’ e yjeve të këngës amerikane, për
suksese. Në facebook -un e saj Melinda Ademi shkruan "Unë jam Melinda
dhe unë jam 16 vjeçare. Unë dua të këndoj! Gjëja më e dashur gjithë
jetën time, është veçse të këndojë dhe këtë e kam nisë që unë kur isha
vajzë e vogël. Ëndrra ime është që të bëhem një artiste e madhe. Unë e
di se ëndrrat e mia janë të mëdha, por unë do të jap gjithë atë talentin
tim për të arritur atë, megjithëse sfida që kam përpara është e madhe”.
Para jurisë, pjesë e së cilës ishte edhe Jennifer Lopez, Melinda ka
kënduar këngën “If I Aint Got You” të Alicia Keys. Performanca e ka
bindur jurinë, që i ka dhënë PO-në për të vazhduar drejt Hollywood-it.
/Telegrafi/