Adele heq dorë nga pija

Këngëtarja britanike, Adele, ka lënë alkoolin për të dytën herë,
pasi ajo nuk dëshiron që të zgjohet në mëngjes dhe të mos mbajë mend
asgjë çfarë ka ndodhur një natë më parë.Krijuesja e hitit
“Chasing Pavements” për herë të parë e la alkoolin në vitin 2008, pasi
kjo shprehi e kishte detyruar atë të anulonte disa koncerte gjatë
turneut të saj amerikan.
Ajo kishte filluar të pinte sërish, pasi mendonte se pija do t’i
ndihmojë për të shkruar albumin e saj të ri “21”, megjithatë duket se
prapëseprapë ka vendosur të heqë dorë nga ky ves.
“Më nuk pi. Zgjohesha në mëngjes dhe zemra ime fundosej duke menduar
se çfarë kam bërë një natë më parë. Kjo ndjenjë më shkatërronte çdo
mëngjes”, ka thënë Adele gjatë një emisioni televiziv britanik.
/Telegrafi/