Schwarzenegger nuk pendohet që është marrë me politikë

Legjenda e aksionit Arnold Schwarzenegger nuk pendohet që ia ka
kthyer shpinën Hollywoodit për t’u marrë me politikë, edhe pse do të
kishte fituar shumë para duke realizuar filma.Aktori me
prejardhje austriake u tërhoq nga rolet filmike që të bëhej guvernator i
Kalifornisë në vitin 2003, ndërsa gjatë kësaj kohe është paraqitur
vetëm në disa role të vogla, duke përfshirë edhe rolin tij në filmin
“The Expendables”.
Ai ka thënë se koha që nuk është marrë me filma i ka kushtuar rreth
200 milionë dollarë, ndërsa veç kësaj, puna si guvernator ka ndikuar
negativisht edhe te familja e tij.
Megjithatë, përkundër anëve negative, Schwarzenegger është i bindur
se e ka bërë zgjedhjen e duhur kur ka ndjekur ëndrrën e tij politike.
/Telegrafi/