Mia Farrow të nderohet për punën e saj bamirëse

nga Vizitor Mon 17 Jan 2011 - 3:27

Aktorja dhe aktivistja Mia Farrow do të nderohet për
përkushtimin e saj të vazhdueshëm ndaj çështjeve të të drejtave
njerëzore anekënd globit.Ylli i filmit “Rosemary's Baby”
është aktiviste e çështjeve të refugjatëve, ndërsa ndihma e saj në
veçanti është e drejtuar në rajonet ku luftërat kanë ndikuar te fëmijët.
Kështu, angazhimi i saj ia ka siguruar edhe çmimin “Marian Anderson”,
i cili u jepet artistëve, puna e të cilëve sjell dobi humanitare,
ndërsa ky çmim do t’i ndahet gjatë një ceremonie në Philadelphia, në
muajin maj.
Çmimi ndahet në emër të yllit të operës nga Philadelphia, Marian
Anderson, i cili u bë i vetmi solist i zi i operës në Metropolitan Opera
në New York në vitin 1955.
Këtë çmim më herët e kanë marrë emra të tillë, si Sidney Poitier, Elizabeth Taylor dhe Richard Gere. /Telegrafi/