Piloti refuzon urdhërin e nisjes së avionit

Një pilot vendosi të
refuzonte urdhërin e nisjes nga kulla e kontrollit në Los Anxhelos, për
të pritur një pasagjer që do të udhëtonte për të vizituar në spital
nipin e tij në agoni.


Personi ishte i dëshpëruar për të
kapur fluturimin, në mënyrë që të shikonte për herë të fundit të gjallë
nipin e tij 2-vjeçar, në koma dhe pa shpresë për rikuperim pas dëmtimit
fatal nga i dashuri i të bijës, nën akuzë për vrasje.

Kontrolli e vonoi pasagjerin përtej orarit të nisjes dhe piloti i
“SouthWest Airlines” refuzoi urdhërin e nisjes, nga kulla e kontrollit.
Ai u përgjigj më vonë se pavarësisht përsëritjes së urdhërit, askush nuk
mund të ngrinte avionin në qiell nëse ai nuk do të vendoste kështu.