Rozana: Gjatë sherrit me Rezin, ruajta gjoksin

nga Vizitor Sat 25 Dec 2010 - 5:57

Këngëtarja Rozana Radi ngjiti dje shkallët e prokurorisë për t’u rrëfyer para hetuesve në lidhje me incidentin që pati me kolegen e saj, Rezarta Shkurta. Para prokurorit, Ervin Karanxha, aktorja ka shpjeguar incidentin, duke u shprehur se ishte pikërisht Shkurta ajo që e qëlloi duke mos i dhënë mundësinë as të dalë nga makina.“Përpos pozicionit të keq, duke qenë se isha e bllokuar, gjatë gjithë kohës jam përpjekur të ruaj pjesën e bustit, pasi tashmë dihet që unë vij nga një ndërhyrje kirurgjikale”, ka pohuar Radi dje në organin e akuzës. “Nuk kam qenë unë e para që kam goditur”, ka vijuar më tej ajo.Ndërkohë kolegia e saj Shkurta, ka pohuar të kundërtat e asaj çka Rozi thotë.“Sapo jemi takuar, pashë që Rozana ishte në gjendje të rënduar psikologjike, ishte e pamundur të flisje me të”, ka thënë Rezarta Shkurta në prokurori.Sipas saj, pasojë e këtij shkaku kanë qenë edhe grushtet që Rozana ka filluar t’i japë, derisa Shkurta është kundërpërgjigjur për vetëmbrojtje. /BW//Telegrafi/