Bugatti Veyron më i tmerrshmi për nga harxhimet

Modelin Bugatti Veyron zakonisht e zbukurojnë epitetet si ‘më i shpejti’, ‘më atraktivi’, ‘më ekskluzivi’, etj, por agjencia amerikane për ambientin, i ka dhënë epitetin ‘më i tmerrshmi’ dhe këtë sa i përket harxhimit të karburantit.

Gjatë vozitjes në qytet, ky model harxhon 29.4 L/100 km, ndërsa as në rrugë të hapur nuk është më mirë, 15.5 L/100 km. Pas tij, sa i përket harxhimeve, radhiten Mercedes-Benz G55 AMG, Bentley Continental GTC, Bentley Continental Flying Spur, Rolls-Royce Phantom, Rolls-Royce Phantom Coupe dhe Rolls-Royce Drophead Coupe. Të gjithë këta, në regjimin e vozitjes në qytet, harxhojnë 21.4 L/100 km.

Në listën e veturave më ekonomike, prijnë Toyota dhe Honda. Modeli Toyota Prius ka harxhim prej vetëm 4,6 L/100 km në qytet.