Lambo Sesto Elemento merr dritën e gjelbër

Pas vlerësimit të kujdesshëm dhe grumbullimit të reagimeve Lamborghini ka vendosur të miratojë prodhimin serik të modelit fenomenal Sesto Elemento i cili në tërësi është përpunuar nga fijet karbonike. Megjithatë, ky Lamborghini do të jetë një njësi tërësisht koleksionuese, sepse do të prodhohet në një seri shumë të kufizuar.

Sipas paralajmërimeve të para, ende jozyrtare, Sesto Elemento do të jetë identik me modelin koncept, dhe do të prodhohet vetëm në shtatë apo 10 njësi, që kur merret parasysh për veprimet e nevojshme në përpunimin e secilës pjesë të këtij automjeti dhe vet çmimit nuk i bie të jetë seri aq e vogël.



Lamborghini Sesto Elemento ka debutuar në panair të automjeteve si model koncept, e së bashku me motorin më të fuqishëm 5.2-litërsh V10 me 570 KF është theksuar para së gjithash me karrocerinë e formësuar në mënyrë agresive e cila në tërësi është përpunuar nga fijet karbonike. Falë përdorimit kaq të madh të fijeve karbonike dhe plastikës e cila është përforcuar me fije karbonike në Lamborghini kanë arritur të mbajnë peshën e përgjithshme të këtij automjeti në vetëm 999 kilogramë.



]Sesto Elemento me këtë karroceri speciale dhe motor të fuqishëm do të ketë transmetim të përhershëm të fuqisë në të gjitha rrotat. Kur merret parasysh fuqia e madhe e motorit dhe pesha e këtij automjeti, ai do të arrijë shpejtësinë prej zero deri në 100 kilometra në orë për vetëm 2.5 sekonda.



Pritet që pronarët e ardhshëm një njësi të këtij super-automjeti të veçantë dhe të rrallë italian do të duhet të numërojnë 2.5 milionë euro. /Telegrafi/