Vetel shpallet kampion bote

Sebastian Vetel, piloti gjerman i Red Bull është kampioni i ri i botës në Formula 1. 23 vjeçari zbriti nga froni britanikun Xhenson Baton dhe fitoi duelin ndaj rivalit Fernando Alonso që u rendit i 7-ti, në garën e fundit të Formula 1 në Abu Dhabi.
Vetel, falë edhe strategjisë së gabuar të Ferrarit që futi në pit stop Alonson që në xhirot e para, dominoi garën në “Yas Marina” në Abu Dhabi dhe kaloi vijën e finishit i pari duke lënë pas tij Hamilton dhe të tretin Xhenson Baton.

Vendi i parë i siguroi gjermanit 25 pikë të cilat e ngjitën në kuotën e 256 pikëve duke lënë pas tij Alonson që mbante kryesimin me 252 dhe Mark Veberin me 242.

Shpallja kampion bote e bën Vetel, 23 vjeç pilotin më të ri që fiton titullin kampion bote dhe e rradhit atë mes 29 emrave të tjerë të shpallur kampionë në historinë e Formula 1.

Alonsooo