Eliza: Së shpejti me albumin e tretë

nga Vizitor Tue 28 Sep 2010 - 9:10

Eliza Hoxha ka treguar për Telegrafi.com se i ka përfunduar projektet verore dhe se tash u është kthyer gjërave të zakonshme, planifikimit urban dhe arkitekturës.“Aktualisht jam duke punuar punët e mia të zakonshme që lidhen me planifikimin urban dhe arkitekturën. Është fjala për projektin muzikor të titulluar ‘E dua këtë vend’, një video dhe një këngë që shpalos brengën për mjedisin kosovar dhe thërret për më shumë dashuri dhe kujdes ndaj këtij mjedisi në mënyrë që të jetë aty për t'iu shërbyer edhe gjeneratave të ardhshme”, ka thënë Eliza për Telegrafi.com.“Ky projekt është vetëm një pjesë e një projekti më të madh që do zhvillohet tutje me po të njëjtin emër, për vetëdijesimin e qytetarëve për më shumë kujdes ndaj mjedisit ku jetojmë. Video-projektin apo këtë komponentë të projektit e ka financuar Ministria e Mjedisit dhe Planifikimit Hapësinor që në fakt ishin fillimisht edhe iniciator të tij. Projekti ka filluar të lansohet nëpër mediat kosovare javën që shkoi”, ka shtuar më tel Eliza. Sa i përket muzikës, Eliza është shprehur se është në përfundim të albumit të tretë.“Jam në përfundim të albumit të tretë i cili vërtet më ka marrë kohë për shkak të paraqitjeve në festivale dhe angazhimeve tjera. Natyrisht që me albumin do jetë dhe kënga promovuese e cila do të përcillet me video klip. Kam bashkëpunime të tjera në album të cilat le të mbeten befasi për dëgjuesit”, ka përfunduar Eliza. /Telegrafi/

nga **Arla** Tue 28 Sep 2010 - 9:35

E vetmja kengetare kosovare qe i degjoj kenget e saj me endje.

Eliza: Së shpejti me albumin e tretë

Eliza: Së shpejti me albumin e tretë

Re: Eliza: Së shpejti me albumin e tretë