Zanfina: Ishte një sezon i ngjeshur

nga Vizitor Tue 21 Sep 2010 - 9:29

Zanfina Ismajli ka treguar se pas një sezoni të ngjeshur veror, e meriton një pushim relaksues. “Pas një sezoni shumë të ngjeshur veror, mendoj se e meritoj një pushim, por kjo nuk do të thotë se unë e kam lënë muzikën anash”, ka thënë Zanfina për Telegrafi.com.Këngëtarja kosovare gjithashtu ka zbuluar se është duke u përgatitur për këngën e saj më të re, të cilës së shpejti do t’i bashkëngjitet edhe videoklipi.“Jam në përfundim të këngës më të re. Por nuk dëshiroj të zbuloj asgjë, sepse dëshiroj që gjithçka të shkojë mirë. Kjo këngë gjithashtu do ta ketë edhe videoklipin sepse unë mendoj që mënyra më e mirë e promovimit të një kënge është klipi”, është shprehur më tej Zanfina. /Telegrafi/