Ministri rus porosit: “Pini cigare e raki për ta ndihmuar shtetin”

Ministri rus i Financave Aleksej Kudrin porositi bashkëvendësit e tij që të pinë më shumë vodka dhe më shumë cigare – nëse dëshirojnë të ndihmojnë në mbushjen e arkës së shtetit, pasi këto prodhime paguajnë më së tepërmi tatime.

“Njerëzit duhet ta kuptojnë se ata që pinë vodkë dhe që pinë duhan më shumë e ndihmojnë shtetin. Me çdo pako të cigareve që blini, ju i dhuroni për zgjidhjen e problemeve sociale, siç është mbështetja në politikën demografike, zhvillimi i shërbimeve sociale, shtimi i natalitetit”, citohet Kudrin nga agjencia ruse e lajmeve Interfax.

Ky qëndrim nuk është fare befasues nëse kemi parasysh faktin se vodka dhe pijet e tjera të forta alkoolike janë shkaktar i vdekjes së gjysmë milion njerëzve në Rusi çdo vit.