Aksident në Kalimash, humb jetën nënë e bir

nga **Geri** Mon 30 Aug 2010 - 9:56

Një aksident i rëndë rrugor i ndodhur rreth orës 21:00 të mbrëmjes së sotme, 2 kilometra në
dalje të tunelit të Kalimashit i ka marrë jetën dy personave.

Sipas informacioneve të para viktimat janë shtetas kosovarë me lidhje gjaku, përkatësisht nënë e bir, që
udhëtonin me të njëjtën makinë. Nga aksidenti edhe dy persona të tjerë
po të së njëjtës familje mbetën të plagosur rëndë.

Policia ka mbërritur në vendngjarje dhe ka nisur hetimet për zbardhjen e shkaqeve
të aksidentit. Ndërkohë që si pasojë e aksidentit radha në hyrje të
tunelit ka shkuar rreth 3 kilometra, çka solli bllokimin e përkohshëm të
trafikut.

Autostrada Durrës-Kukës është një ndër akset me trafik
më të populluar në këtë fundmuaj, pasi mijëra shtetas kosovarë kthehen
në vendin e tyre pas pushimeve. Në më pak se 24 orë kjo autostradë
regjistron 3 viktima, pas asaj të një nate më parë kur një tjetër
shtetas u përplas për vdekje teksa përpiqej të kalonte rrugën në aksin
Kukës-Morinë.