Gostivar: Keqtrajton bashkëshorten dhe fëmijët

Një banor i Gostivarit me iniciale U.I. ka kërcënuar me thikë dhe ka keqtrajtuar fizikisht bashkëshorten dhe dy fëmijët e mitur, para të cilëve edhe është zhveshur. Kështu njoftoi sot Ministria e punëve të brendshme. Rasti është bërë i ditur pasi bashkëshortja e tij 40 vjeçare kishte denoncuar rastin në stacionin policor në Gostivar. Ajo kishte deklaruar se bashkëshorti i saj dje dhe pardje me thikë ka keqtrajtuar fizikisht atë në prezencë të fëmijëve të saj, me ç’rast i ka shkaktuar lëndime trupore në shpinë dhe në këmbë. Gjatë bastisjes në shtëpinë e të denoncuarit me urdhër të gjykatësit hetues oficerët e policisë kanë gjetur dhe sekuestruar një thikë dhe gjashtë plumba.