Dritero Agolli

KUR TE JESH MERZITUR SHUME

Ketu s'do jem,do jem larguar
ne toke i tretur si te tjeret
ne kafenene e preferuar
nuk do me shohin kamarieret.


Dhe neper udhe ku kam ecur
s'do ndihet kolla ime e thate
mbi varin tim do rij i heshtur
nje qeparis si murg i ngrate.


Ti do trishtohesh atehere
se s'do me keshe ne dhome gjalle
dhe kur mbi xham te fryje ere
do qash me eren dal-ngadale.


Po kur te jesh merzitur shume
ne raft te librave kerkome
atje do jem i fshehur une
ne ndonje fjale a ndonje shkronje.


Mjafton qe librin pak ta heqesh
e une do zbres do vij pas teje
dhe ti si dikur me mall do qeshesh
si nje blerim pas nje rekeje.

Poezi nga Driteroi
Ç'te bejme? Rrime ne kuzhine
Bie ere gjelle, pa ngrene s'mbesim
Na pihet uje, pime
Na rriten thonjte, i presim....

*************************

Ti ne kanape tani dremit
Ndoshta gjumi ende s'te ka zene
Abazhuri mbi qerpiket e tu po ndrit
Libri nga dora paska rene

Para teje ndal mendimi im
Jemi dashuruar edhe share
Jemi ndare shpesh ne udhetim
Po drejt njeri-tjetrit kemi ngare

Te kam pasur enderr cast e ore
Enderr te trishtuar dhe te mire
Po te jem vertet nje Pitagore
Ti je teorema me e veshtire

SIKUR S'JETOJ NE VENDIN TIM


Me ndodh sikur s'jetoj ne vendin tim
Po ne nje vend te huaj dhe te larget
Ne nje qyetet me buba dhe me minj
Mes mureve te rrjepur dhe te laget.

Cuditem pse keshtu me duket shpesh
Kur s'ka njeri shtepia, kur jam vetem
Kur shiu ne dimer flluska ngre ne shesh
Dhe mua flluska flluska ma ben jeten

me ngjan sikur dhe strehet derdhin helm
Helmohemi Ado cast me njeri tjetrin
s'e di nga vjen ky helm se s'kam c'te them
Vec shoh se rrobat tona helm na rrjedhin

Ky vend me duket do helmohet krejt
Nga helmi rrjedhur vrimah ne themelet
Pastaj do tundet toka ne termet
Dhe Djalli i Madh do qesh e do zgerdheshet

I huaj jam ne vendin tim mjerisht
Dhe kur rreth meje ka me dhjetra njerez
Kjo me lendon dhe shpirtin ma gervish
me ben te qaj si nxenes prapa deres

PELEGRIN

Une jam prej kohesh pelegrin
Udhetar ne vendin e shpreses se thyer
Jam ndare padashur nga karvani im
Mes shtigjeve nga vapa e shirat gerryer

kerkoj karvanin tim ne rere e ne shpat
karvanin qe e ka nderruar drejtimin me kohe
Ndaj ne udhe jam krejt i humbur, jam fillikat
Me shami te grisur lidhur ne koke

Per uje buza ime u be zhur
Dhe syte me shpojne nga shterrja e lotit
Me duhet te arrije karvanin e tretur qekur
Capitur mes vapes, mes shiut e te fothtit

Une jam prej kohesh pelegrin
Shtegtar i karvanit te humbur
Dhe bart ne kurriz nje premtim
Te dhene ne hirin e gjysherve te mundur.

FTOHJA

U ftoha nga shume gjera
Disa i harrova e disa i lashe
Disa i humba si nje unaze
Ne cezme a govate

Vertete e humba te rite
Por zemer marr kur ende i dua grate
Sikur te ftohem prej tyre nje dite
Thoni per mua: ndjese paste

ELEGJI PER QENIN

Me dhimsesh qen i vogel! s'pate fat,
Te ktheheshe ne oborrin e shtepise
U shtrive i pergjakur mbi asfalt
Nga nje makine e eger e pashpirt

E c'deshe ti qe dole shpejt e shpejt
Ne mes te rruges nga nje dushk a ferre?
Njeriu shtyp mikun rrugen kur ia pret
Dhe jo me pastaj nje qen qyqar te mjere!


TRISHTIMI

Po iki me trishtim i zhgenjyer nga miqte
E mbylla dhe deren qe rrinte e hapur
Per lajkataret, per rrenacaket e smirezinjte
Qe shtireshin engjej te dashur.

Ku vete s'e di , vec s'dua te kthehem
Serishme ne rrenat e jetes
Diku ne nje skaj te larget do prehem
me qafen e futur ne jaken gri te xhaketes.



HESHTJA

Cigaria u dogj gjer ne fund
Mbi tryeze gjumi me mori
Ne xham era perdet i tund
Dhe hesht koridori.

Me koke ne tryeze te flesh
Te shohesh enderra te blerta
Sa ndot!...Te zgjohesh e prap te gjesh
Ne qoshe te vjellat e lena nga jeta.

"Me Mire Te Kujtosh Te Bukuren"

Te mori malli per mua nje dite ne paqe?
Ah, lere mallin e varfer te qete!
Te vjen ne mend ne qytet ajo kafe
Ku hynin artiste e poete.

Ti kishe kembe te bukura shume
Nga kembet e tua poetet lajthitnin
S'do mend qe lajthitja dhe une
Si gjithe ata qe te pritnin

Vertet te mori malli per mua
Mos eja!....Lere mallin te fjetur
Tani une u plaka dhe kafet e vjetera s''i dua me
Pastaj as e di se nga kembet e tua c'ka mbetur....

NJERIU DHE KOHA

Vertitet nje re e zeze mbi bote
e zeze si une
leh naten nje qen i terbuar nen porte
terbuar si une

zvarritet nje gjarper nga rruge e vithisur
nje gjarper si une
kalojne ne shtigje plot njerez te krisur
te krisur si une

lekunden ne qoshe te rrugeve kurvat
lekunden si une
bertasin lypsaret si kafshet ne guvat
ne guvat si une

kercejne majmunet ne pyjet e xhunglat
majmunce dhe une
jeton bote e cmendur me vallet dhe plumbat
e cmendur si une

tmerrohet njeriu kur lind mbinjeriu
tmerrohem dhe une
kur vdes mbinjeriu merr zemer fatziu
marr zemer dhe une

Enderr e prere
1.
Mos vdis,se pas shirave aren e mbushi bari,
Se ka rene ne ullishte mize e ullirit,
Hardhia duhet sperkatur shpejt me gurkali,
Ende s'ka dale prej plisit kercelli i mistrit.

Ne enderronim te ndertinim nje anije,
Kerrkush se mendonte se me c' do ta ngrinim,
Kishim vendosur ta ndertonim me dege hardhie,
Dhe vela ti vinim.
***
2.
Mos vdis,se kalit ne vrapim i ra nje patkua,,
Dhe nga dhimbja filloi ta ngreje kemben e pare,
kerkojme patkonj e s'na jep njeri hua,
se gjejme kendej as nallbanin e marre.

Ne enderronim te shjkonim ne hipodrome,
ne vende te lumtura ku munden me kuaj,
tani kali se ha me as barin e njome,
me sy si gota, na sheh si te huaj.

Mos vdis, se dielli e shtroi ne oborr sofren e madhe,
Dhe presim te vijne vajzat te gjitha,
Vajzat qe dikur i therrisje 'sorkadhe',
kur grisnin fustanet ne driza.

Mos vdis, ne dhomen e heshtur, i shtrire,
eshte turp kaq shpejt te ulesh e te vdesesh,
ne enderronim nje vdekje pak me te mire,
duke vdekur,fytyrat tona ti shihnim ne piken e veses

ZOTRIT


Triumf i madhërishëm mëngjesi...
Nga minareja si gisht perëndie
Hoxha zotin e tij e thërret pas Kuranit,
Këndon për zotin e vet symbyllur këndezi
Nga maja e gardhit.

Për zotin e tij hingëllin dhe kali në portë,
Laraska kraket për zotin e vet në lajthishtë.
Sa zotër ka nxjerrë
Për kafshë e për njerëz kjo botë!-
Këndojnë për zotrit e tyre të gjithë,

Vec unë s'këndoj, është e kotë!

Ankimet...







Ankime nga miqte, ankime nga rruga
Ankime nga gruaja ime
Veriu fshikullon, ngre pluhurin rruga
Ankime, ankime, ankime

Ankime ne leter, ankime ne gjelle
Ankime ne lopet ne fushe.
U cmenda! Do te iki te fshihem ne shpelle
Te fle pa ankime me nje ujk a arushe...


Do te me kujtosh

Une do shkruaj nje liber me vjersha
Dhe ti do ta lexosh si relike
Dhe duke qeruar patate te ardhura nga vjeshta
Gishtin do presesh me thike

Duke e vene gishtin ne goje
Mua do me kujtosh ne kuzhine
Dhe do te thuash para dollapit te lyer me boje
"Per pak e harrova ditezine!"

Po ti nuk je



Nuk je kurrkund. Kjo ditë e nxehtë e gjatë
Mbuloi me pluhur rrugën gjer në fund.
Vështroj në zheg në pluhurin e thatë,
Po ti nuk je kurrkund.

Dhe me gishtrinj mbuloj fytyrën time,
pastaj këmishën e rënduar shkund,
Nga pluhuri përdhè rrëzohen thërrime,
po ti nuk je kurrkund.

Jam gati të kërkoj cdo kokëer pluhuri
Dhe në kërkim si arkeolog të humb,
Vec të të gjej, e humbura qëkuri,
Po ti nuk je kurrkund.
______________Dritëro Agolli

KUJDES ME FJALEN....!

Kujdes me fjalen zonjes me cante,
kudes me fjalen dhe ti zoteri
pushteti i fjales eshte i vecante
gatuan male dhe kakerdhi

Me fjalen rrjedhin perrenj me mjalte
pikojne cezma me helm te zi
Kujdes me fjalen ,zonjez me cante
kujdes me fjalen edhe ti zoteri

Kur fjala nxirret nga buzet jashte
si dallendyshja s'vjen ne shtepi .
Kujdes me fjalen , zonjez me cante,
kujdes me fjalen edhe ti zoteri.

QEPA!

Une qepen e dua kur kam te ftohte
dhe pa e prere e ve ne pjate .
E prek me dore e kthej nga nje gote
Ia xhvesh xhaketen e kemishen e bardhe .

Dhe qepa lakuriqe si balerine
ne tryeze e vetmuar me mua mbetet ;
atehere lotet nga syte ne faqe me vijne
dhe larg veshtrimi me tretet

Degjoj si qepa nudo me thote :
" Ti qan per mua qe petkat m'i zhveshe
dhe krejt lakuriqe me le neper bote ,
krejt lakuriqe sic deshe "!
---------------------------------------------------------------------------

MOS MA KUJTO!

E shkuara ka caste dhe ore te hidhura, mos ma kujto
per shembull, me pe me duar te lidhura, mos ma kujto!

Per shembull me pe ne rruge te pire, mos ma kujto,
Te pire e te humbur, te share e te grire, mos ma kujto!

Per shembull me rrahen dy-tre vagabonde, mos ma kujto,
Tek shihja nje grerez tek rrinte mbi gonxhe, mos ma kujto!

Per shembull pesova diku nje disfate, mos ma kujto,
Dhe gjumi s'me zinte me dite e me nate, mos ma kujto!

Per shembull me pe duke ecur e qare, mos ma kujto,
Mbeshtetur pas murit me zemer te vrare, mos ma kujto!

Per shembull me pe duke ngrene e genjyer, mos ma kujto,
Te prishur, te shturur, te rene e te thyer, mos ma kujto!

Per shembull ne shtrat s'u bera per burre, mos ma kujto,
I turpshem i drodha si qengj nen lekure, mos ma kujto!

E shkuara ka ore dhe caste te hidhura, mos ma kujto,
Ka drojtje dhe heshtje kur lipsen te thirrura, mos ma kujto
-------------------------------------------------------------------------

KUR NJE MENGJES!

Do te jete mengjes e une do te vi patjeter.
Mbi xhaketen time do te kene rene petale
Nga lulet e kumbulles se vjeter,
Nga lulet e thanes se tharet.

Ahere ti s'do te jesh zgjuar akoma.
Une do te them emrin tend ne xhame
Dhe do te vershellej te dashuren kengen tone:
"Ti cele heret, moj bajame!"

Do vershellej ngadale-ngadale
E s'do prish gjumin tend te bukur.
Do bien mbi mua petale
E do ulet ne sup nje flutur...

E, kur syte te hapesh, do te shohesh
Romantikun e perjetshem ne xhame
Dhe kengen e dashur do njohesh:
"Ti cele heret, moj bajame!"
----------------------------------------------------------------------------------

NJE MENDIM VETETIMTHI!

I humba te gjitha, po lypes s'u ktheva,
S'ia zgjata doren askujt dhe veten e mbajta.
C'u bene vajzat me te bukura Drita, Maria dhe Eva?
Atyre doren me gaz mund t'ua mbaja.

Po te gjitha ato u plaken si une
Dhe bukurine e dikurshme s'e kane,
Megjithate drejt tyre synoj nganjehere me shume
Sesa drejt guhakerve me qyrk e fame.

I humba te gjitha, me mbeten vetem kujtimet dhe kockat,
Me mbeti lekura dhe bebja e syrit tok me shkendijat.
Tani perballe shtepise sime kendojne bretkosat,
Gezohem se jane te gjitha te mijat

PÊRTACI I MÊNGJESIT


Kur ngrihem nuk di se c'të bëj në mëngjes,
Nga ëndrrat ende s'jam shkundur aq mirë.
Në lagje e kam zili një këndes,
Ai është i zoti dhe merret me punën e pagdhirë:
Ia thotë një kënge dhe pulat i ndez.

Po unë i shkreti vërtitem andej e këtej
Dhe ngathët së koti vështroj në pasqyrë,
Në ballë më tepër të dendura rrudha zë gjej
Dhe rrjepje lëkure zbuloj në fytyrë,
në kokë shoh qime të rëna, më shumë se dje.

Po fjalën e kam, se s'bëj dot asgjë në mëngjes
dhe sillem,-përtac i pandreqshëm, i kotë,-
Prandaj unë e kam aq zili një këndes,
Se merret me punë e një kënge ia thotë,
Të paktën e zgjon një lagje dhe pulat i ndez.

Dritëro Agolli: LETRAT


Kur dashuroheshim në kohën tonë,
Kur tretesha dhe digjesha për ty,
Nga njëri-tjetri letrat vinin vonë,
Kalonte dhe një muaj apo dy.

Po ndofta dashuria mbahej gjallë,
Se zjarrin mbanin letrat në udhëtim
Me bicikletë a mushkë apo me kalë
Në vapë e shi, dëborë dhe thëllim.

Kur dashuroheshim në kohën tonë
Me zor na vinin letrat fshat-qytet
Nuk kishim nëpër dhomë telefonë
Dhe në ëndërr s'kishte faks dhe internet.

Megjithatë më mirë që nuk kishte
As telefon, as internet, as faks,
Se fjalë e nisur shpejt dhe mund ta vriste
Një dashuri të vjetër për një cast.

NJERIU NÊ GARÊ ME GOMARÊ



Një ditëz të diel
Njeriu me gomarë
U futën në garë:

Gomari në diell
Filloi të pëllasë,
Njeriu të bërtasë.

Gjykonte juria:
Kush bënte më shumë
potere dhe zhurmë.

Dhe tha Perëndia:
"Njeriu nga kjo garë
Fiton mbi gomarë."

NATÊN DUKE U MENDUAR


O njerëz të lajthitur nëpër natë,
U vratë nën ballkonin tim për dokrra!
S'ka rëndësi nga ishit ju të ngratë,
nga Mati, nga Tropoja, a nga Mokrra.

Tek pi duhan mes tymit flas menduar:
Sikur me shekuj rron një fis i marrë:
Përjetësisht në urrejtje i bashkuar,
Cuditërisht në dashuri i ndarë!


BOTA E SHKRUAR


Më fëshfërijnë fjalët që kam shkruar,
Po c'thonë ato, vërtet s'e di as unë.
Një botë e madhe kaq e ndërlikuar,
Sa duhet për ta cndërlikuar shumë.

Të tjerët ndofta mund ta cndërlikojnë,
Megjithse pak besoj e s'jam i bindur.
Tani pullazit turtujt po këndojnë,
Asgjë s'kuptoj dhe mbase kam lajthitur.


NUK KA CUDIRA


Vërtet nuk cuditem këtu nga kjo jetë,
Ku s'mburren aspak Muhameti me Krishtin,
S'habitem sikur dhe me sy ta shoh vetë
Të shoqen e hoxhës të puthet me priftin.

Një gjë e zakonshme kjo puthje më duket
Tani kur cudirat po ndodhën të gjitha,
Kur shiten dhe bëhen ****** dhe nuset
Pa hequr kurorën nga kisha.

PASQYRA, MACJA DHE UNÊ


Mes meje dhe maces në dhomë
Pasqyra qëndron mbi ca rraqe...
Vetveten ne bashkë e vështrojmë
Dhe macja dhe unë në paqe.

Sa mirë që qënkemi unë e një mace
Dhe shihemi drejt në fytyra,
Po të ishim dy njerëz, betohem, se paqe
S'do kishte kjo dhomë, do thyhej pasqyra...


UNÊ

Zili ma kanë ata lavdinë,
Ndaj pëshpërisin dhe më shajnë;
As ndaj talentit tim zilinë
S'e fshehin dot dhe s'e përmbajnë.

Më nëmin miqtë dhe armiqtë,
Po tigër jam, s'lëshoj pushtetin;
Lavdinë e kam të dykuptimtë,
Të njëkuptimtë e kam talentin.


MÊ VONÊ

Zakon e ka i riu të mburret,
Të bëjë zhurmë e bujë.
Dikur dhe unë i tundja muret,
S'më mbytej ylli në ujë.

Po koha shkoi, m'u mbyt dhe ylli,
Madje m'u mbyt anija
Dhe pak më larg m'u dogj dhe pylli,
Për fat shpëtoi shtëpia.


NGA SKAJI NÊ SKAJ

Sa heshtnim dikur me plot verbëri
Dhe duart i puthnim në gjunjë,
Aq shumë bërtasim tani
Dhe aq kafshojmë me zhurmë.
Nuk kemi as turp nga njeri
As ky,
As ai,
As ti
Dhe as unë,
Cudi!...

ANTI-MONUMENT


I mbetur në vetmi në apartament
M'u shfaq në gjumë i vrenjtur një skulptor,
Më la pa shpirt, më ktheu në monument,
Në shesh më bëri zot e madheshtor.

Dërguan një polic me revolver
Të ruante mos më vinin dinamit...
U zgjova dhe me duar nëpër terr
E preka trupin. S'isha bronx, po mish.

Vërtet u lehtësova krejt në shpirt...


S'me lenë asgjë

Trishtimi im cdo mëngjes është i madh
Dhe nervat të prishura;
Kërkoj corape të pastra të mbath,
I gjej të grisura.

Ka shumë njerëz shtëpia ime këtu
Dhe dera sa mbyllet, aq hapet,
S'më lenë asgjë pa përdorur, në lesh a në ,
Dhe vecanërisht corapet.

Në djall të gjitha, s'më duhet asgjë,
Jam plak dhe as ngrohem, as ftohem,
Ndaj hiqem mënjanë e s'bëj zë,
Vec për corapet tërbohem!...


Fjalë për barin

Njeriu me vrasje nuk vritet,-
Një gjë e provuar prej kohësh.-
Por fjalën e kemi për barin që rritet
Sado ta presësh e korrësh.
Njeriu me shpatë nuk pritet.

Por fjalën e kemi për barin.
Ta thash të gjithë, nuk thahet,
Me zjarr t'i vesh zjarrin
Nuk digjet, me vesë vec lahet.
Njeriu me zjarrin s'bën varrin.

Po fjalën e kemi për barin që s'vdes.
Nga dolët ju zogj valë-valë
Dhe ti madhështori këndez,
Ti shtërg e ti galë?
Njeriu zë rritet, zë sheh e mban vesh.

Por fjalën e kemi për barin e gjallë.

Kundershtareve te mi

Ju aq balte po hidhni mbi mua
Sa ne balten qe kam permbi trup
Mund te mbije nje dardhe a nje ftua
Nje korije e madhe me dushk.

Ne korije dhe mund te mbani
Mund te shkoni per gjah me langonj
Mund te ngjiti ne peme te hani
po te doni dhe dardha dhe ftonj.

Balta ngrihet mbi mua e pasur
sa mbi balten korija bleron...
Trupin tim ma bleruat pa dashur
Dhe ma bete vertet platacion.

MJEKRA E ZOTIT

Shume vjet me perendite
Kam jetuar bashke i zbathur
Kemi qene tok perdite
Por aspak nuk jemi dashur

Dhente tok kemi kullotur
Arat tok kemi leruar
Kur une isha i perlotur
Zoti qeshte i harbuar.

Kur me ngordhnin bejkat malit,
Zoti tallej si i marre
Une gure merrja zallit
E goditja per ta vrare...

Eh, c'te grindur , eh c'te therur
Me terbim e me potere!
Mjekren zotit s'ia kam krehur,
Mjekren zotit ia kam cjerre.

Dhe pastaj me ne dore
E kam ndjekur e perzene
Permbi malet me debore
Asnje fron nuk i kam lene

I kam thene: hajde, zhduku,
Fundi yt nje fund te jete,
Ku te duash shko e struku,
Jam i zoti te rroj vete!

Krishtit kryqin ia kam hequr
Pa trokitur ne kembane
Muhametit ia kam djegur
Callmen , xhyben dhe kurane..

Dhe nga kjo i deshperuar,
Papa, balli i Vatikanit,
Me ka nemur e mallkuar
Mua, tersin e Ballkanit.

Shenjteri, o rrenje e vjeter,
Mbaj pak vesh e pak veshtro,
C'po te flet nga bregu tjeter
Nje apostull Dritero:

"Skam qeder se psall nje pape
me karroce apo veture
Po te ngjallet zoti prape,
Une prape e ze me gure"

DASHURI E VESHTIRE

Ti ne kanape tani dremit
Ndofta gjumi ende s'te ka zene,
Abazhuri mbi qerpike ndrit
Libri nga gishtrinjte te ka rene.

Para teje ndal mendimi im:
Jemi dashuruar edhe share
Jemi ndare shpesh ne udhetim,
Por drejt njeri tjetrit kemi ngare.

Dhoma hesht e rruga larg gjemon
Ti sheh endrra kalteroshe shume
Une, ndonse pi dhe mogadon,
Mezi fle, se jam njeri pa gjume.

Te kam pasur enderr cast e ore,
Enderr te trishtuar dhe te mire
Po te jem vertete nje Pitagore
Ti je teorema me e veshtire....

AFERSISHT E DI

E di se pas vdekjes sime disa do kenaqen,
Do flasin: i mbylli syte, e kyci gojen lugati,
Se mjaft na ka prishur mendjen dhe paqen,
Se teper litarin e kohes e zgjati.

E di se gezimi i tyre i shkurter do jete
Pas vdekjes u kam per t'u dale
Me nofulla te rrjepura nga qindra faqe e flete
"Jam gjalle, a doni te hame se bashku nje ngjale"?


NJE TJETER TURN

Me grish qe larg nje melodi e vjeter,
Qe mbase do harrohet pak me vone
Nje tjeter turn me shpirt e mendje tjeter
Po vjen te zere vendin qe leshojme.

Ky turn s'besoj te mbarte nder kujtimet
Ate cna ka munduar nate e dite
Freskine e endrres mpleksur me zhgenjimet,
Fisnikerine e lashte e djallezite.

Nje varr harruar, lule mbetur thare
Nje qiparis, nen qiparis nje plake
Me doren kocke e mbushur me damare
Fshin pluhurin e emrit mbi nje pllake.

TRE PLEQTE E LAJTHITUR

Vdiq pardje dhe më e madhja putanë
Në moshën e thellë të një pleqërie pak të vështirë
Në një pijetore diku në Tiranë,
Vdiq nga cironka e prishur, por vdiq duke pirë.
E qanë tre pleqtë, e mbetur ende gjallë,
Në pijetoren me tym me emrin 'Omar Khajami'.
Kur ishin të rinj i shkonin shpesh në mëhallë,
Këpucën e saj me raki e mbushnin, e pinin dhe qanin.
Ndaj qajnë dhe sot tre pleqtë putanën e ikur
Dhe flasin përçart: 'si s'la ndonjë çupë t'i ngjante pak nënës'!
Vërtet, tre pleqtë e mëhallës mbetën të tre të lajthitur
Në pijetoren, ku xhamin e shpon briri i hënës...
---------------------------------------------------------------------------
PLEQTE E HYRJES SE PARE

Tri hyrje ka pallati ynë i lartë.
Në hyrje u rralluan pleqtë e shkretë,
Disa nuk dalin dot nga shkallët jashtë,
Disa u shuan si qirinj të zbehtë.
Në hyrjen fqinjë s'mbeti plak në derë.
Këtej kam mbetur unë dhe Jashari,
Takohemi veç rrallë e tek në verë.
Në dimër s'dalim se na grin acari.
Dhe presim kush i pari të largohet
Dhe cili në arkivol të vërë krahët;
Jashari është ushtar që s'dorëzohet,
Ndërsa dhe unë sheshit s'i hedh armët..
Kështu, vëllezër, jam pak më i vështiri,
S'largohem po s'u nis andej Jashari,
Ta shoh si ndrit në varr të tij qiriri,
Të kem dhe një përvojë për së mbari
---------------------------------------------------------

PAK NGA PAK

Kalojmë një shteg, kapërcejmë një prag
Çdo ditë udhëtojmë e vdesim nga pak.
Nga pak e nga pak, në trup e në shpirt.
Diku vetmitarë e diku bashkarisht.
-----------------------------------------

PERULJA E MADHE

S'gjen dhimbje më të madhe në ke parë
Njerinë e ndershëm në mjerim e vaj,
Tek lutet i përulur, zemërvrarë
Dhe ndihmë e shpresë pret nga maskarai.
---------------------------------------------

DESHIRE PER HESHTJE

Të heshtësh fillikat diku në kafe,
Të ndjekësh shushuritjet në filxhanet
Pa një mendim të keq, pa zhurmë e llafe,
Të shohësh shiun tek kërcen në xhamet;
Të heshtësh në ëndërrim për diçka tjetër
Diçka të largët mjegullit mbuluar
Si dorëshkrim a testament i vjetër
Diku i fshehur, tretur e harruar;
Të ngrihesh e të ikësh përsëri i heshtur
Në trotuarin ku pështyjnë retë,
Nën sqetull çantën viteve të rrjepur,
Ku mban një laps me dy-tri-katër fletë;
Ti lutesh vetes rrugës duke ecur:
"Ah, mjaft fjalosëm, s'kemi ç'themi prapë!...'
Një çredhe zogu në ballkon ka mbetur
Nga verë e shkuar plot me ankth e vapë.