VW L1: Një litër karburant në njëqind kilometra

nga **Dewil** Tue 10 Aug 2010 - 5:34

Prodhuesi gjerman Volkswagen në panairin e automjeteve të
Frankfurtit ka paraqitur ditë më parë një automjet koncept për cilin
pohon se shpenzon më së paku karburant në botë.Koncepti i automjetit të ri ekonomik është emëruar L1 dhe kompania është duke punuar në të qysh prej vitit 2002.
Nën kapak të tij gjendet motori SUS me naftë në kombinim me atë
elektrik, e studimi tregon se ai shpenzon në mes të 1 dhe 1.38 litra
naftë në 100 kilometra të kaluara.

Shpenzimi i vogël para së gjithash është bërë i mundur falë
zvogëlimit drastik të peshës së automjetit, pasi që karroceria është
krijuar nga fijet karbonike dhe plastika dhe nuk e kalon peshën prej
380 kilogramësh.
Rezervuari i konceptit L1 është vetëm 10 litra, i cili mjafton për të kaluar hiq më pak se 750 kilometra rrugë.
Volkswagen ka përmendur vitin 2013 si vit kur ai do të mund të fillonte me prodhimin serik të këtij automjeti.