“Realiteti” i ndan mirënjohje Gruevskit për diskriminim

Kryeministri Nikolla Gruevski fitoi mirënjohje për diskriminim nga Organizata joqeveritare “Realiteti”.
“Për shkak të realizimit të programit joshqiptar, duke filluar nga
enciklopedia, Ligji për natalitet, gjuha maqedonishte prej klasës së
parë, e deri te diskriminimi te varrezat në Butel, Realiteti i ndau
mirënjohje kryeministrit Nikolla Gruevski për diskriminim”, deklarojnë
nga “Realiteti”.
Ndarje ironike e mirënjohjes nga Realiteti ndodhi para promovimit të
broshurës, në të cilën, sipas kësaj organizate, është prezantuar
historia e diskriminimit ekonomik që u është bërë qytetarëve shqiptarë
prej pavarësisë së shtetit.
“Kjo politikë legjitimohet me partinë shqiptare në pushtet BDI, me
rolin e kukullës, e cila është e paaftë të ndikojë apo ta stopojë këtë
vjedhje klasike ekonomike”, shtojnë nga “Realiteti.
Nga kjo OJQ paralajmërojnë mirënjohje të këtilla edhe për
politikanët shqiptarë, si dhe për bashkësinë ndërkombëtare t cilët,
sipas tyre, tolerojnë diskriminimin e Qeverisë mbi shqiptarët.