Aksidentet, përgjaken akset rrugore

nga **Geri** Tue 27 Jul 2010 - 9:36

Korriku mund të konsiderohet muaji më i errët përsa u përket aksidenteve rrugore që kanë
regjistruar një numër të lartë viktimash.
Edhe ditën e sotme, në aksidente të
ndryshme kanë humbur jetën dy persona dhe kanë mbetur të plagosur disa
të tjerë. Kështu, një person humbi jetën para pak castesh në
aksin Lezhë-Shkodër. Burime policore lokale njoftojnë se shkaqet e
aksidentit janë ende të paqarta, por saktësojnë se një tjetër person ka
mbetur i plagosur.
Ndërkohë, në aksin Librazhd-Përrenjas, 24
vjecari Marius Toska ka gjetur vdekjen pasi makina me të cilën po
udhëtonte, tip fuoristradë, humbi kontrollin dhe doli nga rruga.
Në të njëjtin aksident një person tjetër mbeti i plagosur pasi u godit nga
makina kur ajo kishte dalë nga rruga.