Jobs për iPhone 4: Apple nuk është e përkryer

Tani që konferenca e mbajtur nga kompania Apple, për të sqaruar
problemet me iPhone 4 është kryer, dhe pas së cilës të gjithë pronarët
e iPhone 4 do të marrin një mbështjellës falas për telefonin e tyre më
të ri, kritikët e teknologjisë thonë se ka ardhur koha që të bëhet një
vlerësim më i thelluar për Apple dhe produktin e saj, iPhone 4. Në
një prezantim më shumë se 90 minutësh, drejtori ekzekutiv i Apple,
Steve Jobs prap e ka mbrojtur produktin e tij, duke thënë se “ndoshta
ky është produkti më i mirë të cilin e kemi bërë ndonjëherë”.
Ndërsa, ai pranoi se ky model ka probleme, dhe kontekestin e
prezantimit të tij e hodhi tek konkurrenca, përkatësisht tek telefonat
e tyre që janë në treg, për të cilët ka thënë se kanë probleme të
njëjta me ato të iPhone 4.
Ai deklaroi se të gjithë konsumatorët e pakënaqur do të mund të
marrin një mbështjellës falas për iPhone 4, ndërsa tha se Apple e ka
krijuar edhe mundësinë e kthimit të telefonit. Për më tepër, ai tha se
“Apple nuk është e përkryer”. / Telegrafi