Kur ke fëmijë, divorci është i vështirë

nga Vizitor Wed 14 Jul 2010 - 1:27

Kur ke fëmijë, divorci është i vështirë

Kantautori Pirro Çako ka vendosur që për herë të parë të flasë publikisht pas divorcit nga tashmë ish gruaja e tij, sopranoja Inva Mula. “Unë mendoj se një çift bashkohet me dëshirë dhe nuk mendoj se ndahet për një kapriço apo pse dëshira mungon, por sepse nuk funksionon diçka. Kështu ndarja është një histori në vetë, që unë e mendoj si një domosdoshmëri që vjen, por sidomos në çiftet që kanë fëmijë ka probleme, ku situata ndërlikohet edhe më shumë. Kur ka edhe fëmijë në mes, aty është pjesa që vuan më shumë, sepse është fëmija në mes”, ka thënë Pirro Çako njofton e përditshmja Infopress. Ndërsa i pyetur se a e zbeh kalimi i viteve dashurinë, Pirro e ka pranuar se në rastin e tij kjo nuk do koment. “Për veten time unë mendoj se dashuria nuk zbehet kaq thjesht. Dashuria zëvendësohet me respekt, me shumë gjëra të tjera në familje. Nuk po flas për marrëdhënie 2-3 vjeçare, flas për lidhje të rëndësishme në jetë”, ka thënë Pirro.
Pirro Çako para pak ditësh i ka dhënë fund martesës me sopranon Inva Mula, ndërsa djali i tyre ka zgjedhur që të jetojë më nënën.
/Telegrafi/