Anna Frank, historia seksuale ngjall debate

“Një gjetje shumë e
keqe”. Kështu e ka cilësuar Fondacioni Anna Frank në Amsterdam, librin
"Annexed" të shkrimtares britanike Sharon Dogar.
Pjesa më e kritikuar e romanit është
ajo ku Anna Frank kryen marrëdhënie seksuale me Peter van Pels, edhe ai i
mbyllur në kampin e përqëndrimit. Romani që pritet të dalë në treg në
shtator, por sipas pasardhësit të fundit të familjes, Buddy Elias,
personazhet e romanit nuk janë përshkruar në mënyrë realiste.

Pa
kritikuar aspektin seksual, Ellias e quan një libër shumë të dobët.
“Anna nuk ishte ajo vajzë që përshkruhet në libër dhe mendoj se fati i
saj i tmerrshëm nuk duhet përdorur për histori romanesh”, thekson ai.
Themeluesja e fondacionit, Gillian Walnes thekson të njëjtën gjë. Ajo
shton se në ditar Anna shpreh simpati për Peter por nuk përmend asnjë
moment intim.

“Ai i Anna-s është një ditar i pastër dhe i
shkruar me zemër të hapur”, thekson Walnes. Ndërkohë, botuesi i librit,
shtëpia Andersen, nëpërmjet Charlie Sheppard pohon se shkrimtarja e ka
lexuar disa herë ditarin dhe është e bindur se ajo ka kryer marrëdhënie
seksuale.