Alban Skenderaj mer cmimin e nderit

nga Erisa1 Fri 28 May 2010 - 2:57

Alban Skenderaj mer cmimin e nderit "Dritan Hoxha" ne Top Fest 7

Një çmim i veçantë, jo për këngët dhe këngëtarët në konkurrim, është dhënë në “Top Fest 7”. Ky çmim, që mbante emrin e presidentit të ndjerë të “Top Medias”, Dritan Hoxhës, i është dedikuar Alban Skënderajt si një talent që e nisi rrugën e tij të suksesit në edicionin e parë të këtij festivali të muzikës moderne. Ky çmim ishte, nga ana tjetër, një trofe kujtimi për njeriun që bëri revolucion në median shqiptare. Çmimi iu akordua Skënderajt nga Vjollca Hoxha, presidente e “Top Medias”. “U ndjeva i lumtur dhe triumfues. Ishte një çmim i rëndësishëm si në marrëdhëniet personale, ashtu edhe për vlerat që mbarte Dritan Hoxha, emrin e të cilit mban çmimi. Ishte një surprizë e madhe që më lumturoi shumë dhe një moment emocionues për familjen Hoxha, për njerëzit e afërt dhe për të gjithë të pranishmit në sallë”, ka thënë Skënderaj. Pjesë e jurisë së edicionit të shtatë, por edhe një këngëtar që i ka zbuluar cilësitë e tij vokale pikërisht në “Top Fest”, Alban Skënderaj nuk mund të mos komentonte edhe iniciativën e guximshme që ky festival të organizohej për herë të parë ‘live’ si për interpretimin e këngëtarëve ashtu edhe të orkestrës. “Mbrëmjen e së dielës, ‘Top Fest’-i ka pasur një ringritje të madhe pas një kohe neutrale. Shënoi një rikthim të madh, sidomos në zgjedhjen e stafit organizues që gjithçka të ishte ‘live’.
Është një minirevolucion që bëhet në tregun e muzikës shqiptare. Për këtë dua të uroj udhëheqësin artistik Dorian Gjoni që nuk është ndalur kurrë në kërkimin e vlerave. Vlerësime meriton i gjithë stafi për punën e madhe organizative, por edhe teknike. Ishte një investim shumë i madh”, është shprehur Skënderaj.

(Info: Hapesira Forum)

[/center]