Flori, i dyti më i miri i Ballkanit

Pop këngëtari nga Shqipëria, Flori, është renditur i dyti në natën e madhe të ndarjes së shpërblimeve, “Balkanika Music Awards”, me këngën e tij “PlayBack”, duke shkaktuar dhe befasinë e kompeticionit. Një ngjarje që u përcoll me një sistem të ngjashëm sikurse të “Eurovision Song Contest”, zgjodhi për fitues, Serbinë, me këngën “Ljubavi”, të Zeljko Joksimovic. Shqipëria ishte befasia e mbrëmjes, pasi që la në pozitën e tretë Rumaninë që përfaqësohej nga “Akcent” me hitin ndërkombëtar “That’s My Name”. Në shpërndarjen e çmimeve tjera, dominuan kryesisht sllavët e Ballkanit, me këngëtarin Zeljko Joksimovic, që pos çmimit kryesor fitoi dhe çmimin si këngëtari më i mirë mashkull për vitin 2009. Në fund të mbrëmjes, Ana Visi u nderua me çmim të veçantë për kontribut mbi promovimin e muzikës ballkanase në rrafshin ndërkombëtar