Audi, VW e Porsche assesi të pajtohen rreth modelit R4

Ani pse fillimisht na dukej që kupeja e radhës nga Audi për
masa, R4, po na trokiste në derë, ka gjasa që do të na duhet të presim
edhe pak.Në fakt, në këtë muhabet, siç ishte pritur, është
përfshirë edhe Volkswagen i cili dëshiron të përdorë platformën e
prodhuesit Audi për modelin e vet kupe – BlueSport. Ndaj platformës me
bllok të motorit të vendosur në mes dhe me tërheqje në boshtin e prapmë
nuk janë imun as në Porsche, drejtorët e të cilit ende lodhin veten
duke menduar se a ju duhet një model roadster/kupe i cili është më i
pranueshëm nga pikëpamja e çmimit nga ai që ka - Boxster.


Megjithatë, problemi më i madh për tre prodhuesit gjerman është të
pajtohen për materialin i cili duhet përdorë për shasinë. Siç raporton
portali teknologjik britanik Autocar, gjermanët nuk mund të vendosin në
mes përpunimit më të thjeshtë dhe më të lirë - shasisë më të rëndë të
ashtuquajtur monocoque nga çeliku, apo më të lehtë por më të komplikuar
për përpunim dhe më të shtrenjtë nga alumini.
Mirëpo, siç pohojnë inxhinierët e Audi, “kur tre prodhues punojnë në
një model, gjasat janë të mëdha që të merret drita e gjelbër për
prodhim”.