Ne shtrat me Blerim Destanin

nga **Erisa** Thu 29 Apr 2010 - 19:04

Ai është një nga emrat më premtues të kinematografisë jo vetëm shqiptare. Por sot nuk do të flasë për punët dhe projektet që e presin. Por për marrëdhënien më të ngushtë, të pandashme, të domosdoshme, çlodhëse dhe më se të dëshiruar që ka çdo njeri me shtratin. Në krevatin e aktorit Blerim Destani flihet gjumë, bëhet dashuri, e në mungesë të së dashurës bëhen edhe biseda erotike në telefon…Për më shumë le ta mësojmë përmes kësaj interviste “pa çarçafë”!!!Sa kohë kalon zakonisht në krevat?Në varësi prej kohës, aq sa më duhet për ta shfrytëzuar krevatin për atë për çfarë shërben.Gjatë kësaj kohe që je në shtrat, sa orë e kalon në gjumë?Gjumi për mua është një mes-kohë, mes asaj që ke lënë pas dhe asaj që të pret më pas, pra një lloj mbushjeje e baterive për atë që vjen më pas. Gjithçka është relative, ndonjëherë fle gjatë e ndonjëherë shumë, shumë pak.
Preferon të flesh me pizhama, të brendshme apo lakuriq?
Pizhamet i kam humbur diku në moshën gjashtëmbëdhjetëvjeçare, dhe që atëherë nuk po i gjej dot. Kështu që fle ashtu si më vjen.
Çfarë bën tjetër në shtrat: ha, lexon, sheh TV apo…?
Unë ushqim ha në kuzhinë, lexoj në dhomën e punës, TV shoh në dhomën e ditës, ndërsa në shtrat bëj atë për të cilën është shtrati, pra fle dhe …!
Çfarë është shtrati për ty, një përkufizim?
Një vend shumë intim. Edhe kur je me dikë në shtrat, parapëlqej ta kem ndjenjën se jam vetëm. Disa metër katror mbretëri e ndjenjës absolute të intimitetit.
Çfarë pozicioni preferon zakonisht për të fjetur?
Nuk kam pozicione të preferuara për të fjetur, për dallim prej pozicioneve të tjera.
Po kur je me të dashurën?
Fle shumë pak…
Ju qëllon që kur jeni me dikë në shtrat të flisni? Përse bisedoni zakonisht?
Qëllon ndonjëherë që edhe të flasim. Zakonisht flasim për ditën e nesërme.
Preferon të mbulohesh shumë apo pak?
Nëse jam shumë i mbuluar, e humb ndjenjën e intimitetit.
A flisni në telefon dhe bëni thashetheme apo biseda erotike? Çfarë?
Telefoni është bërë një domosdoshmëri në jetë. Thashethemet i urrej, bisedat erotike…pse jo, kur ia vlejnë.
A të pëlqen të luash me jastëkë dhe çfarë lojërash bën zakonisht?
Nuk më pëlqen të luaj me jastëkë, por edhe ato që pëlqejnë të bëjnë një gjë të tillë, kur janë me mua nuk e bëjnë, pasi duart i kanë të zëna me tjetër gjë.
A të ndodh të zgjohesh shpesh gjatë natës dhe përse?
Shumë rrallë. Zakonisht gjatë kohës së xhirimeve.
Çfarë urreni më shumë në shtrat kur jeni me dikë tjetër?
Të humb kohën kot. Si p.sh, nëse “ajo dikush tjetër” do që të luaj me jastëk.
Kur jeni vetëm, ju ka ndodhur të zgjoheni duke shtrënguar jastëkun?
Jo.
Si do të ndiheshit nëse e dashura ju kthen kurrizin?
Lulet nuk kanë shpinë, pra edhe kurrizi e ka bukurinë dhe domethënien e vet, vetëm se duhet qasje me tamam, mendoj shpinës.
Kur shkon zakonisht për të fjetur, çfarë bën para se të shtrihesh?
Zhvishem dhe bëj dush.
Cila është gjëja e parë që bën sapo hap sytë në mëngjes?
Shikoj orën.
Çfarë nuk ju pëlqen kur jeni duke udhëtuar dhe flini në ndonjë hotel?
Shumë kohë kaloj në udhëtime dhe hotelet më pëlqejnë. Kam edhe hotelet e mia më të preferuara ku shkoj zakonisht. Aty kam edhe kujtime shumë të mira.
Ju ka ndodhur të zgjoheni në shtrat me një femër dhe të thoni; Kush është kjo?
Jo.
Ku preferoni të flini përveç krevatit, në divan apo dhomën e prindërve?
Në dhomën e prindërve.