Slash lë duhanin

Pasi kishte refuzuar të ndalojë duhanpirjen pas vdekjes së nënës së tij me kancer të mushkërive, Slash tani ka vendosur që edhe vetë të ndalojë së piri duhanin, por vetëm pasi është konstatuar me pneumoni.
Ish-kitaristi i “Guns N’ Roses” që tani është 44 vjeçar, ka qenë duhanpirës i rregullt gjatë gjithë jetës së tij, kurse dashuria për duhanin filloi t’i zhduket pas vdekjes së nënës së tij.

“Unë pija duhan kudo dhe kurdo. Unë qëndroja pranë nënës time, por dilja që të pija duhan. Edhe pse është dashur të qëndroja për shtatë muaj pranë saj, unë nuk munda të durohesha as pesë minuta për të ndezur një cigare”.

“Unë jam sëmurë me një lloj të pneumonisë. Unë nuk munda të pija duhan për dy javë dhe ndalova përfundimisht së piri. Megjithatë po e kam të vështirë ta lë”, ka thënë kitaristi legjendar. /