SHBA-Brazil, prezervativë për të shpëtuar kafshët

Benefitet e
prezervativëve nuk janë të lidhur vetëm me njerëzit që mund të
parandalojnë një shtatëzani të padëshiruar apo infekfimin nga viruset,
por janë të dobishëm edhe për kafshët.
Ky është mesazhi që duan të japin dy
fushata në Brazil dhe SHBA, të cilat vënë në qëndër të vëmendjes
planetin, kafshët dhe habitatin natyror të tyre. Popullsia në planet po
arrin shifrën 7 miliardë dhe cdo vit e më shumë kafshët po e sikojnë
veten ngushtë në një planet që po tkurret përditë.

Njeriu po
shkatërron ekosistemin për të siguruar mbijetesën dhe kjo do të thotë
mungesë oksigjeni për speciet e tjera që jetojnë në toke. “Center for
Biological Diversity” dhe 5 mijë vullnetarë do shpërndajnë gjatë muajve
të ardhshem 350 mijë prezervativë në mbarë SHBA-në. Në kutinë e
prezervativëve do jenë pikturuar imazhe kafshësh dhe informacione në
lidhje me speciet më të rrezikuara.

“Kondomet do shpërndahen në
koncerte, bare, universitete dhe vende të tjera publike për të
sensibilizuar njerëzit rreth cështjes së shumimit të species humane”,
lexohet në faqen zyrtare te organizatës. Ndërkohë, në Brazil fushata ka
për qëllim parandalimin e zhdukjes së sipërfaqes amazonike. “Guardian”
shkruan se inisiativa po korr një sukses të madh. Brazili është
konsumatori më i madh i prezervativëve në botë.