FIFA, kuqezinjtë fitojnë 13 pozicione

nga **Geri** Wed 31 Mar 2010 - 8:53

Kombëtarja kuqezi ka
fituar plot 13 pozicione në renditjen mujore të FIFA-s që është
publikuar ditën e sotme.
Fitorja 1-0 në miqësoren me Irlandën e
Veriut, duket se e ka rritur shumë prestigjin e kombëtares se drejtuar
nga kroati Kuzhe, e cila tashmë ndodhet në vendin e 83-të me 54 pikë më
shumë, në kuotën e 389 pikëve.

Gjithësesi, kundërshtarët e
grupit eleminator vazhdonë të ngelen lartë kombëtares shqiptare, pasi
Bjellorusia ndodhet në vendin e 80-të, Bosnje Hercegovina në të 47-in,
Rumania në të 32-tin dhe Franca në vendin e tetë.

Përsa i përket
vendeve të para, Portugalia ka fituar dy pozicione duke u ngjitur në
vendin e katërt, ndërsa Italia e Gjermania humbasin terren duke zbritur
respektivisht në vendin e 5-të dhe të 6-të. Kryesimi vazhdon të mbahet
nga Spanja që ndiqet nga Brazili dhe Holanda.