Leonora Jakupi nuk pranon të jetë pjesë e VIP-Shtëpisë

nga Vizitor Wed 31 Mar 2010 - 0:42

Leonora Jakupi nuk pranon të jetë pjesë e VIP-Shtëpis

E dashur nga publiku dhe shumë e kërkuar nga VIP- Shtëpia, këngëtarja Leonora
Jakupi ka konfirmuar për Kosovapress se ka pranuar ftesën për pjesëmarrje në
këtë spektakël, porse nuk ka pranuar të jetë pjesë e tij, me arsyetimin se
‘intimitetin do që ta ruaj vetëm për familjen e saj’.

Derisa kanë mbetur
edhe dy ditë deri në fillimin e spektaklit të VIP- Shtëpisë, janë bërë publikë 6
emrat e pjesëmarrësve të parë, ku ndër ta është edhe ylli i estradës shqiptare,
Big Mama, si femra e vetme që ka pranuar ftesën deri më tash.

Por duket
se protagonistët e spektaklit të VIP- Shtëpisë, spektakël ky që do të fillojë me
1 prill, po kanë probleme që t’i mbledhin emrat e njohur të estradës dhe t’i
vënë ata nën vëzhgimin e kamerave 24 orë për një muaj rresht.

Deri më
tash përveç, Medës dhe aktores Olta Gixharri që për arsye të ndryshme nuk kanë
pranuar ftesën dhe nuk do jenë konkurrent në VIP- Shtëpinë, tashmë ftesën e ka
kundërshtuar edhe këngëtarja Leonora Jakupi.

Leonora ka konfirmuar për
Kosovapress se ka pranuar ftesën për pjesëmarrje në këtë spektakël, porse nuk ka
pranuar të jetë pjesë e tij, me arsyetimin se ‘intimitetin do që ta ruaj vetëm
për familjen e saj’.

“Po kam marrë ftesën, por nuk do ta pranojë, pasi
intimitetin tim unë e ruaj vetëm për familje dhe nuk dua ta ekspozojë për
publikun”, ka thënë Leonora.

Ndërkaq, emra të përfolur për pjesëmarrje
në VIP- Shtëpinë janë edhe këngëtarët; Albërie Hadërgjonaj, Gjyste Vula, Nora
Istrefi, këngëtarja Soni dhe Elvana Gjata./L.Gashi