Super Bajern mposht Mançesterin

Super Bajern ka
mposhtur 2-1 në “Allianz Arena” Mançester Junajted, një fitore kjo që i
mban në lojë bavarezët për kualifikimin në gjysmëfinalet e Ligës së
Kampioneve.

Bavarezët kanë treguar një
superformë përballë kampionëve anglezë duke mbajtur këta të fundit nën
presion pothuajse gjatë të gjithë ndeshjes. Loja filloi e shpejtë
dhe skuadra e Sër Ferguson e sheh veten në avantazh në minutën e 2-të.
Rrëshqitja brenda zonës e argjentinasit Demikelis la të lirë Runin i
cili nuk fal.

Pas këtij momenti pjesa më e madhe e lojës u bë në
gjysmëfushën e Mançesterit, ku Bajerni kërkoi me të gjitha forcat golin
e barazimit. Por rastet e krijuara janë shpërdoruar të gjitha nga
futbollistët vendas.

Nga ana tjetër Junajtid tregohet i
rrezikshëm në kundësulmet e tij, madje në një rast të tillë ishte pranë
golit të dytë, por traversa nuk lejoi që gjuajtja e Nanit të përfundojë
në rrjetë.

Të njëjtat emocione ka dhuruar edhe pjesa e dytë,
Bajern sërish në kërkim të barazimit, ndërsa Mançester me kundërsulmet e
tij në kërkim të golit të dytë.

Përpjekjet e bavarezëvë janë
shpërblyer në minutën e 77-të, pasi gjuajtja e Riberi, e devijuar nga
lojtarët anglezë, përfundoi në rrjetë. Edhe në këtë pjesë të dytë,
traversa shpëtoi Bajernin, pasi nuk lejoi këtë herë Vidicin t’i gëzohej
golit.

Atëherë kur pritej që ndeshja të përfundonte në barazim,
janë anglezët të cilët tregojnë pasiguri në zonën e tyre, gjë e cila
shfrytëzohet nga Oliç, që shënoi golin e dytë për Bajernin, që edhe pse
ka fituar do ta ketë të vështirë ndeshjen e kthimit në “Old Trafford”,
pasi Mançester ka treguar se nuk njeh kundërshtar.

Derbi i parë
francez në Ligën e Kampioneve, ai mes Lionit dhe Bordosë ka përfunduar
3-1 në favor të vendasve.

Autorët e golave për Lionin janë Lopez
me dopietë dhe Bastos ndërsa goli i Bordos u shënua nga Camak.

Cfare pakujdesie e Machesterit ne fund te ndeshjes...

hahahahaha

Sdi pse po Bayern'in, chelsean dhe Barcelonen shume inat i kam edhe shume deshta te humbe po s'doli sic parashikova

e paramendoj dewilin tash si ndjehet hahahah ngushellime dewil