Angli, sharrohet pylli, kryheshin marrëdhënie seksuale

Një qytezë në
Lancashire të Anglisë e quajtur Darwen ka prerë 6 mijë pemë për të
ndaluar njerëzit të kryejnë marrëdhënie seksuale në pyll.
Sipas tabloidit “Daily Mail”, pylli
ishte kthyer në një nga “suitat” e preferuara të njerëzve që dëshironin
të kryenin marrëdhënie seksuale. Hapësira prej 12 ha tashmë nuk ka më
asnjë pemë pas urdhërit të dhënë nga komuna e Blackburn.

Por ky
veprim ka ngjallur reagimin e ambientalistëve, sipas të cilëve, kjo
është një masë skandaloze. Brian Jackson nga “Friends of the Earth” ka
shtuar se gjithcka i duket absurde. Por zyrtarët e komunës janë mbrojtur
duke thënë se në këtë zonë do mbillen pemë të tjera.