Australi, tërhiqet statusi neutral për mashkullin/femer

nga **Geri** Thu 18 Mar 2010 - 7:24

Shteti australian i
Uellsit te Ri ka bërë një hap pas në cështjen e shtetasit me seksualitet
të dyfishtë, i cili ishte përcaktuar si “neutral”.
Norrie May-Welby ishte personi i parë
ne bote që merrte nje status te tillë seksual, por zyra e gjendjes
civile e anuloi këtë vendim sapo lajmi u përhap ne gjithë botën.

Në
bazë të një konsulence ligjore, zyra e cilësoi si te pavlefshem
mosspecifikimin e seksit. 48 vjecari Norrie May-Welby, i lindur mashkull
ndërroi seks në vitin 1989 por që atëherë ka qënë përherë i pavendosur
për caktimin e gjendjes seksuale, duke kërkuar një identitet “neutral”.

“Kur
më dhanë lajmin e anulimit ishte njëlloj sikur të më kishin vrarë.
Identiteti im është bërë i ditur në gjithë botën dhe tani qeveria po më
merr atë që më kishte dhënë më parë. Nuk mund të konsultohej më parë me
zyrën ligjore?”, shprehet Norrie që e ka cuar cështjen në gjykatë.