Vazhdojnë negociatat në mes të Google e Kinës

Vazhdojnë negociatat në mes të Google e Kinës


Google ka njoftuar se është duke vazhduar negociatat me
autoritetet kineze mbi censurimin e përmbajtjeve në shërbimin për
kërkime në Kinë.Pas raportimeve se ajo pothuajse sigurt
është duke u tërhequr nga Kina, Google ka njoftuar se është duke
vazhduar negociatat me autoritetet kineze rreth censurimit të
përmbajtjeve në portalin e vet për kërkime në Kinë - Google.cn.
Përfaqësuesit e Google kanë theksuar se negociatat me autoritetet
kineze nuk kanë përfunduar, por edhe se kompania është e vendosur në
qëndrimet e saja për të mos pranuar auto-censurën. Është theksuar se
kompania ende është duke mbajtur negociata aktive me kinezët dhe se tani
për tani nuk dëshiron të bëj asnjë koment në lidhje me këtë çështje.
Mirëpo agjencia zyrtare kineze Xinhua tanimë ka publikuar një koment
në të cilin supozohet se largimi i kompanisë Google nga Kina është një
gjë e sigurt. Në koment thuhet se planeti nuk do të ndalen së
rrotulluari për shkak të largimit të Google, dhe se shfrytëzuesit kinezë
edhe më tutje do të kanë qasje në internet edhe pa Google. /Telegrafi/