Kavajë, makina bie në përrua, një i vdekur

/* */





KAVAJE – Një aksident i rëndë rrugor ndodhi pas mesditës në Kavajë kur një automjet doli nga rruga duke rënë në përrua në një nga fshatrat e zonës.
Sipas burimeve të policisë, ngjarja ka ndodhur rreth orës 12:40 kur mjeti me të cilin lëvizte shtetasi Xhani Xeka, ka dalë nga rruga duke rënë në përrua.
Si pasojë e aksidentit mësohet se ka gjetur vdekjen personi që ndodhej në makinë.
Policia tha se po heton shkaqet e ngjarjes ndërsa dyshohet se aksidenti ka ndodhur për shkak të kushteve të vështira të rrugës dhe lagështirës si pasojë e reshjeve të shiut gjatë natës. (Lajmifundit)

Artikulli mbi kete teme:
11 March 2010 14:38
Aksidenti me vdekje në Tiranë, arrestohet 23-vjeçarja

TIRANE – Një vajzë 23-vjeçare u arrestua mbrëmë nga policia me akuzën e shkeljes së rregullave të qarkullimit me pasojë vdekjen e një personi.
Ngjarja ka ndodhur në ora 02.00 pas mesnate, tek rruga e Durrësit.
Sipas policisë, Specialistët e Seksionit të Hetimit të Aksidenteve realizuan arrestimin në flagrancë të shtetases Sonilta Zef Kalaj, 23 vjeç, banuese në Tiranë.
“Kjo shtetase dje rreth orës 22.20’, në Rrugën e Durrësit, duke drejtuar automjetin “Ford”, me targa Tr. 1775 P, ka aksidentuar me vdekje shtetasin Zenun Rakip Koka, 73 vjeç, banues në Sauk”, tha policia.
Sipas saj, materialet hetimore mbi ngjarjen i kaluan Prokurorisë së Rrethit Gjyqësor Tiranë për veprën penale të Shkeljes së rregullave të qarkullimit rrugor. (Lajmifundit)