Me kikirikë kundër alergjisë në kikirikë

Me kikirikë kundër alergjisë në kikirikë

Një studim i ri sugjeron imunoterapi për personat të cilët janë
alergjikë në kikirikë, ashtu që për një periudhë disa mujore mund ta
tejkalojnë këtë
gjendje.

Shkencëtarët nga Universiteti i Cambridget, në fakt, fëmijëve alergjikë
në kikirikë, iu kanë dhënë sasi të vogël të kikirikëve çdo ditë, ndërsa
pas
një periudhe disamuajshe kanë vërejtur rritje të tolerancës në kikirikë
dhe reduktimin e reaksioneve alergjike.

Ky nuk është studimi i parë që tregon se dhënia e alergjenëve në ushqim
me kalimin e kohës mund të zvogëlojë reaksionet alergjike te personat
alergjikë pikërisht në këto alergjenë.

Megjithatë, shkencëtarët thonë se kjo duhet bërë vetëm nën përkujdesje
të ekspertëve dhe jo vetvetiu.