Nata e Zjarreve përmbyll Epopenë e UÇK-së

Nata e Zjarreve përmbyll Epopenë e UÇK-së

Me manifestimin “Nata e Zjarreve” në Prekaz, do të përmbyllen ditët e “Epopesë së UÇK”-së, kushtuar 12-vjetorit të rënies heroike të komandantit legjendar Adem Jashari, të më shumë se 50 anëtarëve të familjes Jashari dhe gjithë dëshmorëve të Ushtrisë Çlirimtare të Kosovës.
“Nata e Zjarreve”, që nis në ora 18.00, në Prekaz, me një program të pasur kulturor-artistik, shënon edhe fundin e manifestimit, i cili filloi më 5 mars në Prishtinë dhe u mbajt nën patronazhin e kryeministrit të Kosovës, Hashim Thaçi.
Policia e Kosovës njofton se i ka ndërmarrë të gjitha veprimet e duhura përgatitore për të ofruar një siguri të rendit publik për të gjithë pjesëmarrësit në këtë manifestim.