Mendon ta shkruajë romanin për një ditë

Shkrimtari belg Nicolas Ancion e ka sfiduar veten, duke premtuar se në panairin e librit në Bruksel do të përpiqet ta shkruajë një roman aksion brenda 24 orëve.
Ai tha se nuk i pëlqen të ngutet, por një kohë të gjatë ka imagjinuar të mbyllet në një hapësirë dhe të shkruajë një vepër pa u ndalur.
Ai tha se është e rëndësishme që i tërë tregimi të jetë i kuptueshëm duke pasur parasysh edhe rrethanat në të cilat do ta shkruajë.
Pas panairit të librit, romani i Ancionit do të publikohet falas në internet. Shkrimtari u bë i famshëm me romanin “Njeriu i cili vlejti 35 miliardë”.