Istog: LDK garon me Haki Rugovën

Vetëm një muaj para zgjedhjeve të parakohshme për kryetar të komunës së Istogut, partitë politike ende nuk kanë vendosur për kandidatët e tyre në këto zgjedhje, ndërkaq është vetëm Lidhja Demokratike e Kosovës ajo që e di se me kë do të garojë në këto zgjedhje.
Nënkryetari i LDK-së, Lutfi Haziri ka thënë se LDK-ja është në përgatitje e sipër për zgjedhjet në Istog.
“Haki Rugova ka qenë zëvendëskryetar i komunës, kryeshef ekzekutiv në atë komunë, zëvendëskryetar i degës së LDK-së, është njeriu më i afërt dhe më kompetent si pjesë e këtyre zhvillimeve dhe besoj se është emri konsensual, i cili do të jetë trashëgimtar i postit të kryetarit të komunës”, ka thënë Haziri.
Partitë tjera ende nuk kanë caktuar kandidatët e tyre për zgjedhjet e parakohshme që do të mbahen në komunën e Istogut më 11 prill.