Përdorimi i gjatë i marihuanës dyfishon rrezikun e psikozës

nga Li12i-GG ARMY Mon 1 Mar 2010 - 6:46

Brisbane, 1 mars - Marihuana ka efekte negative për trurin nëse përdoret për një kohë të gjatë. Dyfishohet rreziku për të vuajtur nga psikozat dhe rritet me katër herë rreziku për halucinacione.
Përfundimin e ka nxjerre një studim mbi efektet e përdorimit të zgjatur të kanabisit, publikuar në Archives of General Psychiatry nga psikiatër të Universitetit te Queensland.
Pasojat e rënda të përdorimit të tej zgjatur të kanabisit kishin dalë edhe nga një studim mbi komunitetet indigjene të Australisë që janë konsumatorë të mëdhenj të kësaj lënde narkotike.
Ishte vëzhguar se pas 15 vitesh të abuzimit të lendes narkotike fillojnë të shfaqen efekte mentale kronike, me raste psikoze të pakthyeshme, përveç depresionit dhe varësisë.
Studimi i ri australian për popullsinë e përgjithshme nxjerr në dritë lidhjen mes kanabisit dhe psikozës. Ekspertët kanë monitoruar për shumë vite shëndetin psikik të më shumë se 3 800 të rinjve të cilët për disa vite kishin përdorur marihuane.