Filmi “Shutter Island”, filmi më i shikuar në Amerikën e Veriut

nga Li12i-GG ARMY Mon 1 Mar 2010 - 5:57

Los Angeles, 1 mars - Filmi i regjisorit Martin Scorsese i zhanrit triler, “Shutter Island” është duke udhëhequr në arkat e kinemave të Amerikës Veriore për javën e dytë rresht si filmi më i shikuar. Deri më tani, filmi ka inkasuar 22 milionë dollarë nga shitja e biletave.
Leonardo DiCaprio, i cii deri më tani tri herë ka bashkëpunuar me regjisorin Scorsese, luan rolin kryesor në këtë film, një polic federal i cili e heton zhdukjen e një krimineli të çmenduar që ka ikur nga një çmendinë dhe besohet se fshihet në ishullin Shutter.
Filmi, “Cop Out” me Bruce Willis dhe Tracy Morgan në rolet kryesore si një çift policësh të New Yorkut e zënë vendin e dytë me 18.6 milionë dollarë të fituara.
Nga numri një, “Avatar” tanimë gjendet në vendin e katërt me 14 milionë dollarë duke e çuar shumën totale të parave të fituara afër 707 milionë dollarë.