De Palma, regjisor në "Paranormal Activity 2”?

nga Li12i-GG ARMY Mon 1 Mar 2010 - 5:52

Los Angeles, 1 mars - "Paranormal Activity” do të pasohet nga një tjetër seri ku mendohet se regjisor do të jetë i madhi Brian De Palma.
Drejtuesi i “Njeriu me shenjë” apo “Të paprekshmit” mund të marrë në dorë projektin, për të çuar edhe më tej suksesin e korrur nga filmi i parë. Lajmin e bën të ditur gazeta "Los Angeles Times". Vitet e fundit, regjisori i famshëm i ka rralluar shumë punët e tij, duke nxjerrë në treg pak filma.
Karriera e suksesshme e De Palma nisi në vitin 1976 me filmin “Carrie, vështrimi i Satanait”, për të ardhur tek filmi me gangsterë “Të paprekshmit” apo edhe tek realizimi më i fundit, “Mision i pamundur”. Paramount ka njoftuar publikimin e filmit më 22 tetor, por kjo është e pamundur nëse De Palma merr projektin, pasi ai nuk dallohet për shpejtësi në xhirime.