Zjarr në objektin shkollor në Malishevë, pa pasoja të mëdha

nga Li12i-GG ARMY Mon 1 Mar 2010 - 5:35

Malishevë, 1 mars – Të dielen rreth mesditës sipas burimeve policore të Stacionit Policor në Malishevë objekti i Shkollës Fillore dhe të Mesme të Ulët “Imer Krasniqi” është kapluar nga zjarri. Në vend të ngjarjes kanë intervenuar Njësia e Zjarrëfikësëve të Malishevës dhe policia të cilët ia
kanë dalë ta lokalizojnë zjarrin për afro gjysmë ore. Dëshmitarët i kanë thënë policisë se shkaktar i zjarrit ka qenë energjia elektrike. Drejtori i shkollës, sipas policisë ka deklaruar se shkollës i janë shkaktuar dëme në vlerë të rreth 2 mijë eurove. Të lënduar nuk ka patur.