Shihe filmin dhe fito 10.000 dollarë?

Shihe filmin dhe fito 10.000 dollarë?

Një regjisor nga Bollywoodi ka bërë një sfidë fitimprurëse për adhuruesit e filmave horror: një shpërblim prej 10.000 dollarë për këdo që mund ta shoh filmin e tij të fundit, i vetëm, në kinema derisa të përfundojnë titrat e fundit.
Filmi horror i Ram Gopal Varmas i titulluar “Phoonk 2”, vazhdim i filmit të shfaqur premierë më 2008 me të njëjtin emër, bën fjalë për një shpirt të keq që traumatizon një familje.
“Secili që thotë se filmi nuk mund ta frikësojë do të ketë rastin të ulet në kinema vetëm”, tha Varma para gazetarëve në Mombai në premierën e filmit.
Varma po ashtu tha se adhuruesit e filmit të cilët e pranojnë këtë sfidë do të lidhen me një aparat që mat të rrahurat e zemrës si dhe një kamerë që garanton se ata i kanë sytë hapur gjatë tërë kohës sa zgjatë filmi.
Rezultatet e aparatit do të prezantohen live në një ekran jashtë kinemasë, tha Varma, dhe nëse kandidati ka sukses, atëherë ai do t’i fitojë 500.000 rupi (përafërsisht 10.850 dollarë).
Varma kishte bërë të njëjtin premtim edhe më parë pas premierës së filmit të parë “Phoonk” por kjo sfidë u anulua pas akuzave se procesi i selektimit ishte bërë me hile.
Varma tha se personi që pranoi sfidën doli jashtë kinemasë vetëm 30 minuta pasi filloi filmi, por gazetat raportuan se një adhurues i filmit në qytetin jugor të Indisë Bangalore rezervoi tërë kinemanë dhe ia dëshmoi regjisorit se ishte gabim dhe e pa filmin i vetëm me një mjek në dispozicion dhe personelin e sigurimit jashtë sallës së kinemasë. /