Tuna do të këndojë në koncertin e Busta Rhymes

nga Vizitor Tue 29 Mar 2011 - 9:20

Tuna do të jetë këngëtarja e cila do të argëtojë dhe nxehë
publikun para se Basta Rhymes të dalë në skenë në koncertin e sotëm në
Prishtinë.Reperi amerikan me famë botërore do të performojë
para publikut kosovar dhe bëhet kështu ylli i tretë botëror i këtij
zhanri që vizion Kosovën, pasi këtë më herët e kishin bërë edhe 50 Cent
dhe Snoop Dogg.
Tuna kishte performuar edhe në koncertin e Snoop Dogg, vitin e
kaluar, ndërsa falë stilit të saj të veçantë të muzikës dhe adhuruesve
të shumtë në Kosovë, është zgjedhur të performojë edhe këtë herë, krahas
Busta Rhymes.
Këngëtarja shkupjane aktualisht është në përgatitje të albumit të saj
të ri, që pritet të dalë në treg këtë verë. Tuna kishte thënë se albumi
do të përfshijë edhe një këngë me tekst të Aida Barakut, të cilën e
kishte quajtur si balada më e dhimbshme që ajo ka kënduar ndonjëherë.
/Zhurnal/Telegrafi/