Tuna: Jam nostalgjike

Altuna Sejdiu thotë se ajo është ajo është nostalgjike për nga natyra dhe se shpesh kur i bie malli ajo niset drejt Shkupit.Këngëtarja shkupjane, e cila është zhvendosur të jetojë në Kosovë pas martesës me Rilind Rekën, gjatë një bisede për Telegrafi.com ka folur për dallimet që ajo përjeton në mes të Shkupit dhe Prishtinës.“Dallimi mes Prishtinës dhe Shkupit? Nuk jam në pozitë të bëjë ndonjë dallim sepse mund të mos jem objektive meqë Shkupi është vendlindja ime. Megjithatë, një dallim që ja vlen për t’u cekur është se në Shkup nuk isha e martuar, derisa në Prishtinë jam”.“Shkupi është afër dhe në momentin e parë që ndjej mungesën e familjes time, miqve të mi apo thjesht disa rutinave që kam pasur atje, i ngjitem veturës dhe jam atje. Për nga natyra jam nostalgjike, lidhem për një vend, kështu që e njëjta më ndodh kur jam atje edhe për Prishtinën. Kjo është një progres për mua”, ka përfunduar Tuna. /Telegrafi/