Apple iPad ne SHBA del me 3 prill

nga **Geri** Tue 9 Mar 2010 - 6:08

Kompania Apple më në fund ka zbuluar datën e paraqitjes së kompjuterit
të vet tablet iPad në treg: modelet të cilat kanë vetëm lidhje Wi-Fi
vijnë më 3
prill, derisa modelet tjera do të duhej të paraqiteshin në fund të këtij
muaji.

Pos datës zyrtare të daljes së iPad në treg, Apple ka njoftuar se në
fund të prillit ai do të del në shitje edhe në Australi, Kanada, Francë,
Gjermani, Itali, Spanjë, Zvicër dhe Britani të Madhe.

Sa u përket çmimeve, ato janë bërë publike më herët, mirëpo do t’ua
rikujtojmë: modelet të cilat kanë vetëm lidhje Wi-Fi do të kushtojnë 499
dollarë
në variantin prej 16 gigabajt memorie, 599 dollarë me 32 gigabajt dhe
699 dollarë për modelin me 64 gigabajt. Modeli me lidhje Wi-Fi dhe 3G do
të
kushtojë 629 dollarë në variantin me 16 GB memorie, 729 dollarë me 32 GB
dhe 829 me 64 GB memorie.